"Қарттар – біздің асыл қазынамыз" есебі

Қарттар – біздің асыл қазынамыз»

Хош келіпсіз ақ жаулықты аналар,

Ақыл кенін арқалаған аталар.

Алдарыңда жауқазындай құлпырған,

Біз алаңсыз балғын шақты балалар.

Армысыз ауылымның асылдары,

Жайнасын көңілдердің жасыл бағы.

Сіздер үшін ән мен күй, өлең мен би,

Сіздер үшін мереке шашулары  - дей  отырып «Қарттар – біздің асыл қазынамыз» атты 1-қазан Халықаралық қарттар күніне арналған Айдарлы негізгі мектебі және ауылымыздың мәдениет ошағымен бірігіп,  салтанатты іс-шара ұйымдастырылып өткізілді. Өткізген іс – шараның мақсаты: оқушылардың бойына халқымыздың қадір - қасиетін сіңіру, үлкенді сыйлай білуге, өз ата - бабасын ұмытпай есте сақтауға және аталы сөзден ғибрат алуға тәрбиелеу.Қазіргі кезде біздің мемлекетімізде қарттарға үлкен мән беріп, көңіл аударып, жан - жақты үкімет тарапынан қамқорлық жасалуда. Қазақстанның өсіп - өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептейміз.

Сондықтан жылына бір келетін Қарттар күнінде тақиялы аталарымыз бен ақ жаулықты әжелеріміздің осы мерекелерімен құттықтап, концерттік бағдарлама сыйға тарттық. Осы іс - шара мәдениет ошағында өтті. Қарттарымызды құттықтауға Зеренді ауылдық округінің әкімінің 

орынбасары  Рахимжан Дастан Толыбайұлы  мен Катенов Рустем Ерғазыұлы ауылдың карияларын құттықтап, өз сыйлықтарын табыс етті. Ауылымыздың карттарына  өзінің жылы лебізін  мектеп директоры Мәнәп Айдын Саматұлы да білдірді.  Кешіміз қарияларға мерекелік көңіл-күй сыйлап, концерт бағдарламамен жалғасты. Зеренді аудандық мәдениет үйінен келген әншілер аталарымызбен әжелерімізге  арнап ән – шашу сыйлады.

Мектебіміздің оқушылары да ән айтып, би билеп өз өнерлерін ортаға салды.тамашаконцертауылымыздың карияларының   көңіл күйлерін көтерді. Сонында мәдениет ошағымыздың меңгерушісі Айдарханова  Гульмира аталарымызбен әжелерімізге дастархан жайып мерекелік кешіміз әрі карай  жалғасты.  Мереке барысында ардагерлерге арналған музыкалық сыйлықтар, ізгі тілектер мен құттықтаулар айтылды.